Halos 400 trainees, sumalang na sa pagsasanay sa PCG

Tinatayang nasa 400 trainees ang sumasalang sa pagsasanay sa Philippine Coast Guard (PCG) Regional Training Center Capiz kahapon, ika-03 ng Disyembre 2022.

Pinangunahan ni CG Commodore Eustacio Nimrod Enriquez Jr ng Coast Guard Education, Training and Doctrine Command (CGETDC) ang convening ceremony.

Binubuo ng 397 trainees ang Coast Guard Non-Officer’s Course (CGNOC) Class 96-2022 na sasailalim sa mga pagsasanay patungkol sa tradisyon at kultura ng PCG.

Hahasain din sila sa pagsasakatuparan ng mga mandato ng Coast Guard kabilang ang maritime law enforcement, maritime security, maritime safety, maritime search and rescue, at marine environmental protection.